CERKAK "POSTER SLAMET dadi SLAMET"

“ Eh, eh la kok padha heboh ki ngapa ta ya? Ana gosip apa meneh?” Wiwik takon karo kanca- kancane sing lagi padha rerembug babagan pangeten dina Kebangkitan Nasional. “ Welah kowe iki ya, wis dikandhani ta wingi yen sesuk kuwi ana pangeten dina Kebangkitan Nasional . Wah ora gateke ya kowe?” Wagono banjur nyauri. “ Ya ora. Walah la tak kira na gosip heboh je. Nek gosip aku melu, tapi neeekkk....” . “Heh, arep lunga neng endi kowe? Babagan gosip wae sumringah , giliran arep bahas lomba malah arep kabur. Awas lho kowe nek kabur!!” Aslam banjur nyikiki nalika Wiwik lagi wae arep kabur.
Pancen dina sesuk iku pangeten dina Kebangkitan Nasional, lan SMP N HERUCAKRA nganakake lomba- lomba. Kelas 8D kondhang amarga ramene. Tur kelas iku bocahe padha kreatif. Saiki, bocah- bocah 8D arep bahas sapa wae sing arep dadi wakil kelas kanggo lomba sesuk esuk.
“Yo ayo rasah bahas Wiwik! Bahas lombane wae. Iki isih padha bingung je. Piye apike?” Heru banjur nengahi sing padha ngunekake Wiwik. “ Piye nek sesuk kuwi sek melu lomba poster diwakilke Slamet. Met , kowe gelem ya?!” Wagono banjur ngusulke Slamet sing dadi wakil lomba poster. “ Hesh , wegah wegah!! Emoh aku !! Gek nek poster ki arep gambar apa aku ? Aku isane mug gambar sarang manuk je. ” Slamet mangsuli. “ Hwwaahahaha..........” kabeh padha ngguyu. Pancen Slamet kuwi seneng gambar. Nanging mung gambar sarang manuk sing diapikake. Liyane ya kaya cakar PITIK. “Wah , Met. Gambarmu kuwi sungguh menawan je. Mengko nek menang tak traktir wis!” . “ Alah, Gon, Gono. Gayamu nek meksa we nganti banget banget. Yoh ,yoh , wis aku wae sek melu lomba poster. Ben sesuk nek menang arep ditraktir Wagono kok. Ya ta, Gon
? Awas kowe nek ngapusi!”. Slamet iya gelem ditraktir karo Wagono. Mulakna dheke gelem dadi wakil lomba poster 8D.
Esuke......
“ Juara kapisan. Yaikuu... PESERRTAAA...NOMERRRRRRRR.......... KALIIIIIIIIIIIIHHHHH!!!!!!!” . “Awawawawawaawaaaaa..... Ora mungkin . Ora mungkin . Oraaaa mungKIIINNN!!! Wiwik! Aslam! Wagono!! Opus! Tutik! Heru! Ester! Manon! Sum! Kin! Ndang! Bodo! Paidi! He cah-cah wolu dhe!! Aku menang likk!!!!!!”. Slamet ora nyangka yen dhekke bisa entuk juara siji. Slamet mlumpat- mlupat saking senenge.
“ Lah apa ta ya kae!! Neng papan sing dinggo lomba poster kok rame banget! Ana sing bengok-bengok meneh. Eh cah, ayo mara neng kana!!” Manon geret-geret tangane kanca-kancane sing lagi padha omong-omongan. “ Ayoo.. Cepett malahh!! Kesuwen!” . Krreeeekk.... “ Wadhuh.. Manooooonnnn!!!!! Klambi suwek iki!! Piye?? Mulakna nek geret-geret ki ora banter-banter! Nyebai!!” Tutik misuh-misuh merga lengen klambine suwek digeret Manon. “ Alah, Manon ki geret-geret Tutik wae. Seneng po piye , Non?” Wagono ngunekake Manon. “ Heh, uwis ayo gek ndang ndono! Malah padha geret-geretan neng kene.” Aslam nyelani.
Tekan ning ruang lomba poster...
“ Ya Allah.. Matur nuwun sanget Gusti... ” Slamet dedonga sukur marang Gusti Allah. “ Met, Met.. Ngapa kowe kok nangis nangis, Met?”. Aslam tekan sikik dhewe ning kono merga dhekke mau mlayu. “ Anuuu...Lammm... Anuu.. Hkhkhk”. “ Wis wis tenangna sikik lehmu nangis. Mengko yen wis rampung le nangis banjur crit....”. “SLAMETT.. YA ALLAH!! Kowe ngapa Met kok nangis!! Sopo sek ngajar kowe??!! Kene tak ajar genti!! Sapa sek ngajar kowe Met?!! Sapa?!!” Manon teka-teka bengak-bengok karo cincing-cincing klambi. “ Hehh, kowe iki ngapa ta?! Teka teka malah ribut. Mengko sikik iki Slamet arep ngomong sakjane ana apa marang dhekke. Ayo Met gek crita. ” Aslam nenangke Slamet lan akon Manon ndhodhok neng jejer tengene Slamet. “ Ngene lho Lam, Non. Aku iki isih ora nyangka tenan yen aku kuwi....” . “ Kalah?? Wo ya ora apa-apa yen kowe kalah. Kowe ya mesti ora menang kok. Aku wis bedhek sikik dhewe ta??” Manon nyelani pas Slamet omong. “ Heh, kowe ki!! Dirungokake sikik ta!!” . “ Iya iya , Aslam!! Cerewet!!” . Manon banjur meneng wae, wedi karo rupane Aslam sing alise dadi gathuk lan lambene mecucu ( nesu.com). “ Ngene lho Lam, Non, aku ora percaya yen aku bisa menang. Juara siji!!” Slamet nglanjutake omongane sawise mau diselani Manon. “ MENANGG???!!! JUARA SIJIII???!!!!!!!!!” . Aslam karo Manon kaget tenan lan ora nyangka yen Slamet bisa menang. “ Wah, Met. Slamet ya, Met. Ora salah yen jenengmu kuwi Slamet. Supaya akeh wong sing nyLAMETi kowe. ” Manon banjur ngomong saanane. “ Hush, kowe ki jan. Ngomong ki sing bener ta!” Aslam banjur mangsuli omongane Manon. “ Alah uwis, uwis. Aja udur neng ruang kene, isin akeh uwong. Sing penting kelase awak dhewe bisa menang. Ayo bali neng kelas!!” Slamet banjur ngadek diewangi Manon lan Aslam.
Kelas 8D.....
“ Lam, Non. Ngapa mau kok ana ribut-ribut neng ruang lomba poster? Wis tok tiliki ta? Sapa sing gawe ribut?” Wagono langsung mbrondong pitakonan akeh banget. “ Wah kowe suwe-suwe kaya Wiwik, Gon. Hahaha” Tutik banjur melu omong. “ Slamet, Tut. Sing gawe ribut kuwi. Sedhilit engkas kelas 8D ya bakal ribut sawise Slamet ngomong.” Manon banjur mangsuli. “ Emange ngapa ta , Met? ” Wiwik nyelip- nyelip neng antarane Tutik lan Manon. “ Wis gek crita, Met. Ndhak selak duwe jenggot mengko. ” kandha Aslam. “ Ngene lho cah.............” Slamet crita saka sikik nganti tekan.. “ Aku MENANG CAH!! JUARA SIJI!!”. “ APAAAAAAAAAAA?????!!!!! JUARA SIJIII???!!!!” bocah-bocah 8D padha kaget kabeh. Ya padha kaya Aslam karo Manon mau pas diomongi Slamet neng ruang lomba poster. “ Wah, Slamet yo Met...”. “ Slamet ya...”. “ Slamet, Met.” . “ Slamet ya. Slamet.”. Kabeh bocah 8D padha nyalami lan nylameti Slamet. “ Sek.. Sek cah.. Kan aku wis menang. Kowe kabeh sakelas dadi saksi pas Wagono omong yen aku menang dhekke bakal traktir aku. Setuju ora yen saiki aku tagih janjine Wagono??” Slamet orasi neng ngarep kelas. “ Setujuuuuuuu!!!” . “ Ayo, Gon. Jarene arep traktir ? Kowe wis janji lho karo aku.” Slamet banjur ngelirik Wagono sing wis arep layu supaya ora dikon traktir Slamet. Ning Wagono wis telat, pintu kelas wis ditutup lan dhekke mung bisa manut karo Slamet yen dhekke kudu traktir Slamet. “ Walahh.. Duitku sithik je, Met. Ya, tapi ora apa-apa ding. Kuwi ya dinggo matur nuwunku karo kowe , soale kowe wis menangke lomba poster iki.”.Wagono banjur mlaku ditututi Slamet sing wis ngelih banget soale wayah mau lomba dhekke kringeten terus.

Geanni Tityan PB siswa SMP N 1 Bantul